فرقــا

لـيـــت الـلقــــاء مــا حـــل تـالـيـه فـرقـا

و لا ذقت في اللـقـيا معك طيّب الـريــق

يــا غــالـيٍ مثــلـك فــلا اظـــن بــلــقــا

ولا حيد مـثـلك ينوجـد فــي الـمـعاشيق

بـشْـكـيــك للــي هــامـة الــعــز يــرقــا

بو ناصر اللي خال لي و إخو و رْفيق

شــاعــر وعـشّــاق ومـن الشعر ينقــا

عــذْب الـبـيوت اللــي نــدر مـثلها ذيق

قـفّــى الحـبـيــب و منــه مـا كنت أهقا

 يـنـسى المـخــوه و الــوفا و المـواثيق

ســــوّى الـمفـارق للكوابــيــس مرقــا

فــي ذهني وأهذي بـه مـع النوم وأفيق

آفـــيــق وأطــالــع شـبـلْـقــا ولا ألــقــا

غيــر المـعــاتب والمـلامات والضيـق

وكــان انكتب لي بصفحة البين أشـقــا

بــرضى بـهــا مــن خــالـقٍ لـلمــخاليق

و يــالله عـســى يــوم اللقـا ذاك يـسـقا

والله يـجــازي مـعـذبــات العشاشـيـق

 لو هي ركاب الشــوق والعشق شمّـقا

للــي يــذب لــي خـافـقي من المعـاليــق

أسـنــدْت بــونــاصــر لـك القاف تبقا

القـلب كظّــه مــا خفــى فــي المعاميــق

ويــالله عـســى من (عين تسنيم) تسقا

فــي الآخــره و تــشوف كــل التوافيق

ولا تشوف فــي دنياك ضيمٍ وفــرقــا

وتعـيـش فــي الـدنـيــا بـخيرٍ وتـشريق

اليار

(( اليار ))

صوتيّة

bit.ly/zCuSHp

 

الـيـار لــو بــك يــار لا اتـيــور 

أصـبـر عـلـى يــارك و لـو يــار

أســتـــر عـليـه و لـو به اقصور

و أعذر خـطاه امــرار و مــرار

داره مــدام الـســــور بـالـســور

و بــيـــن لــه أنــه وافــي و بــار

راعي المعاني غيص في بحور

لــه دان مـن القـيـعـــان يختــار

كــذا الـمــرايــل صـعـبـة الدور

و الحــــرّ طــــلاعٍ و شــهّــــار

يـشهـر عــن الهــزله و لا ايبور

طـلعــه بـعـيـــد و هــاوي اطيار

يــا وســع صــدري بين لصدور

و يــا طــول صبره لـو بــه النار

مــن الحــمى بـي سهم في الزور

مبــطــــي و لا لــي حــق في ثار

و اليــوم أشــوف أعــداي طابور

قــالــو خــطيــر و شـب و انثــار

زعــزعــت أمــن بـدون ما اثور

و عــلـــي بــالـســبــابـــه يــشـار

عــزاه يــا حـــالــي و مــاجــور

مـــن مـثلـي يتـحـمـل و صــبّــار

و يــا شـيــخ يــا حمـدان مشكور

يــــا مـن كفــانــي كيــد لشـــرار

يــا دبـلـمــاســي الأمــر و الشور

ســلامــي لك يــا نـســل الأبـرار 

و عـلــى النـبـي صلـو يـالحضور 

شـــفـيــعــنــا و الــــرب غــفّـــار 

ترفات الغواني

انـــا لـــي خــاطــرٍ فـيـكم ولا ني

انــا اللــي خـاطره في غيرك ابداً

الا يــاسـيــد تــرفــات الـغــواني

ويــامــن بــه قــوافـينــا استــجداً

تــرى حـبــك تـمـلـكـنـي وسباني

وقــيــدنــي بــقــــيــودٍ مــايــعــداً

وجيش الشوق من صوبك غزاني

ســهــوم الجــنـد على لفــواد جـداً

صـفيــت الكـم لـو العــاذل شـناني

خـــلايـا القـلــب لك ذالعشــق وداً

ورداً مــاعـصـنّــي ولـي عصاني

زمــانــي يـــوم لـــي بــالــود ردا

وانــا اتــحدى بـكم ناسي وزماني

وأتــحــدى ظــروفٍ لــي تــحــداً

فــداكــم كــل مــايـنـطــق لـساني

وكـــل ابـيــات مـن شعـري يعـداً

وكــل احرف تغنّى مــن اغــانــي

كــذلك لــي سـكـنن صدري وشداً

مــن مْـشــاعــر وابــيـات ومعاني

تــراهـن لـك يُــــوَداً ثــــم يــمـــداً

دخــيــلـك لاتــخــلـيــنـــي اعاني

مــن افـراق العــيـــون اللـي يـوداً

عـقــب هـــذا انـــا بالْجم حصاني

تـــرى لـبــيــات إن طـالاً يصــداً

وخـــذ مـنـي عــهـد كــانك تباني

بــأنــــي لــك ولا للــغيــر ابــــداً

تلعات لرقاب

حـــــي الــذي بـــي مـتـصــل تـو

ســلّـــم وعــد ابــــيــاتٍ اعـــذاب

لا هــــو يـــذم ولا بـــيــلــغــــــو

يــاغيـــر شـعــر احباب لأحباب

شـــــاعــــر وعــشـــاقٍ ويـرجو

شـــوف الــذي خصّــه بلإعجاب

غـــروٍ يــنـــوبٍ رابـــي بْـــجـــو

مـــافــيــه نــســمــع قــول كـذاب

زيــن الطـبــيــعه مــنــه يــزهــو

خــشــفٍ صــغـيــر السـن جذاب

لـــي مــن تـثـنّــا وقــــام يـخطـو

غــارن مـنــه تــلـعــات لـرقـاب

مـــاحَــطــهـا الحمـره ولا هـــو

خـصّــر عـبـاه وضـوّق اثيــاب

ولا صـــاحــب اللــي دوم يلهـو

بجنــز وقميـص وفوقهــن كــاب

مـــن حــانــه لــمرقص لْـدسكو

صـــايــع ولا تلقــالــه اصحاب

مــاشــــاف لــي حــلّــو وشــدّو

ولا سمع صوتٍ من ورا حياب

يـــعـله فـدا الخـــلّان .. وانـتــو

يــللــه عــســاكــم دايــم قْـراب

انــتــه ومــن تــهـــوى وتـحثو

عيـن المواشي الـعــاذل تــراب

وعــلــى الـنـبي المخـتــار صلّو

المـصـطـفــى وآلــه ولصـحـاب

كسب النواميس

بعض العرب راحت حياته على ماش
                                       ماكن في دنياه ساعي وعايش

والله يقطع لقمةٍ من ورا اللاش
                                    وانا على كسب النواميس حايش

كل زرع له حاصد وجاني وحشّاش
                                وفكري ركد من عقب ما كان دايش

ترا الهشيم اللي على الأرض منكاش
                                      حرام ما ترعاه حتى الدبايش

كم واحدٍ ما هاز مره ولا هاش
                                 وكم واحدٍ هايز وكاسب ونايش

ريلٍ بها شوكه تبا راس منقاش
                              بعض العرب لا يبلشونك بلايش

فلمٍ مدبلج مااحتوى طاش ما طاش
                                 والفكر في سبك التماثيل شايش

للذيب سرياتٍ وللحر مغباش
                                 وكلٍ فلح منهن بصيده وهايش

نظرة أديب

أشهد أن الحظ يوم انه يصيب
                                             ما يدنّي صاحبه .. يرفعه فوق

ان يصيب اما اذا كانه يخيب
                                            للأسف مالك من امثيب وشفوق

واحمد الله يوم لي معكم نصيب
                                          لو استماع لصوتك يريح الخفوق

عايشٍ في غربتي و حال الغريب
                                             كل ما طوّل وله و ازداد شوق

والذي طايب لهم .. له ما يطيب
                                               والذي لايق لهم .. له ما يلوق

في خفوقي شكّة آبار الطبيب
                                             زادها حب الغلا مسيوق سوق

والعرب ما همها الصب الصويب
                                           غير شعري يوم أشكي له يروق

ترجم احساسي و يوم أشكي يجيب
                                            وأكتبه معنى و يبري كل عوق

وانت يلي نظرتك نظرة أديب
                                          والشعر عندك على غيرك يفوق
أخلط أشواقي لك بشعر الغريب
                                           وأذكرك لي كل ما هبّت شروق

جنيف

من يوم شفتك صرت لي طيف
                       اتخايله في كل الاوقات

ماحد مثلك في البدع شيف
                     طبع وحلاوه واحترامات

عودك سحرني يوم انا ضيف
                  قمت ألتفت وأعطيك نظرات

زايد جمالك يا ظبي ريف
                        ماخذ من الاريام لفتات

وصف الخشم كسلة السيف
                     وعينك اتوهـْ بي متاهات

وصفي لكم ما فيه تزييف
                     محلى ابتسامك بالمسرات

يا دانتي في موسم الصيف
                         يا منوتي في كل حزات

ماحب غير اللي على الكيف
                         كيفي وأنا عشّاق دانات

وانته تذوب بوقت لمصيف
                         لانك حلو ونعيم وجنات

عودك يباله جو في جنيف
                        تفتك من صيفٍ و دوقات

خواطري ماهيب تأليف
                           خواطري تهيج ساعات

خصٍ إذا شفت المواليف
                             أعبر احساسي بأبيات

أبيات تتباعد عن الهيف
                            وتفكني من كل ضيقات

يا بو رميشاتٍ مواقيف
                        يا بو نهود صغار غضّات

ياللي مكمل بالتواصيف
                      انته عوَض عن كل ما فات

وانته غني عن كل تعريف
                          حالي و مالي والارادات

ماظن هذا القول به زيف
                         واسمحلنا ان شف زلاّت

كلفتني بالشوق تكليف
                       بصبر و لو عامين ما بات

صنّفت لك شعري تصنّيف
                      وكانك بغيت الزود قل هات



باشا

أحن لك حنة ركابٍ عطاشا

                   و الا كما خلفه على فقد حاشي

يا من تباعد عن عيوني و تلاشا

              و هيّض غرامٍ مبطيٍ وسط جاشي

أنظم لك الأبيات و الغير حاشا

                 و تحلا بذكرك لو تعابير ناشي

يا من حسبتك ع الخوندات باشا

             وصفٍ حقيقي لا مجامل و راشي

ما به وصوفٍ مع وصوفك تماشا

              ولا زين مع زينك ألاحظه ماشي

يوم ألتقي بك صاب قلبي انتعاشا

             و تغمرني الفرحة و تمسي فراشي

وفكري عن الظن الدني بك تحاشا

                لو عاذلي فيكم يعذرب .. يواشي

ما اعطيه غير آذان صمٍ طراشا

                و أنتم مرادي و المخاليق لاشي

برق و غمام

كل ما بغينا القرب بردود السلام

                                  الناس صدّوا كنهم ما يسمعون

 بالإحترام الناس تجزا الإحترام

                                وانته عزيز وعندي ابداً ماتهون

حد م العرب نادر.. يثير الإهتمام

                             وحد م العرب قدره مابين الناس دون

حبيت لي ياصاحبي ناسٍ حشام

                                        محبةٍ  ما هي محبة  تيلفون

 محبةٍ تسري وسط مخ العظام

                                    شكيت لو ماني من اللي يشتكون

من يوم اشوفه شفت لي برق وغمام

                               و  اذا اختفى ماذاقت النوم العيون

شاكيتك وإنته ولا ترد الكلام

                                       شاعر ويبهجني كلامك به فنون

 ماقلت لي حاضر وانا لك بلتزام

                                        شكراً على ردك وشكراً للطعون

معا ذكـــراك

معا ذكراك لين النور نوّر

                                        ولا غبتي عن عيوني دقايق

أفكر فيك وأذكر وآتصوّر

                                       جمالٍ فيك عن ذا الخلق فايق

أشوف الحب مع غيرك مزوّر

                                           ومعك الحب والعشره حقايق

ألا يا لابس الثوب المخوّر

                                                هلا حييت يا سنع الطرايق

ترى الخفّاق من صدري تقوّر

                                         و من قل الملاقا .. الصدر ضايق

من يحبك و لو دوّر و دوّر

                                            عجز يلقا شبيهك في الخلايق

خلقك الله عز و جل صوّر

                                               وصوف وطبع حلو و بال رايق

أرى حبك على الفواد سوّر

                                                     أسر قلبي وأشعل به حرايق

بنظرة عين فرخ أدهم مدوّر

                                                     يلي عاده لجول الربد تايق

قصيدي من عرفتك بك تطوّر

                                                   بك يلوق و بغيرك غير لايق

ي الريم

ي الريــــم

http://t.co/MRYOE87D

لا حيلة ولا قوّه

يعل يسقا يوم انا توّي
                              في التويتر داخل ابقوّه

                  يوم جوّك يفتحه جوّي                            

                          يوم نبض الشوق بك توّه

زل ذاك الوطر شنسوّي
                                زل لاحيله ولا قوه

شف تبدّل نوّك ونوّي
                             ولا بـقا الا ذكر لمخـــوّه

ذا يصدّر بك وذا يروّي
                           وكل خــــاطف طرت في جوّه

وذا يسرّح بك وذا يضوّي
                               واشهـــد انك فاقد امروّه

تنحرف والدرب متلوّي
                             تهت مــن ذا لدرب لمْتوّه

وانت تحْسب صيتك امدوّي
                              حر والـــي يعْجبك سوّه

صفّقولك وانت متقوّي
                               وكل واحد عامل ( افتوّه )

والّا انا في النايفه ضوّي
                             يــوم كــلٍ تنخـمد ضــوّه

وداع

اتّضح لي وانت ما نصلح جماعه
                        في طريقٍ نرتجي فيه اجتماع

المحبه مهيب ياخلّي بضاعه
                         نشتريها ويوم ما نبغي تباع

او كلام انردده في كل ساعه
                         ما وراه الّا التسلي والخداع

مهوب انا اللي يقول لك سمعٍ وطاعه
                       أو تكون الآمر الناهي المطاع

رح ودور لك على شخصٍ طباعه
                        مثل ما تهوى اذا عنده طباع

والّا انا نفسي بها عزّه وقناعه
                          دايـــمٍ ازفـهــا للإرتـــفـاع

ولو حصل من قبل لي فيكم طماعه
                        واجبٍ ذا اليوم عنكم لمتناع

ولا بقا الّا آصيغها بكل الشجاعه
                       كلمتي واقول لك يلله ( وداع )

نبض المشاعر

نبض المشاعر من خفوقي ولعماق..
                                   ماحد غيرك ياحبيبي طرقها

يا من قباله يبري الصدر لي ضاق..
                                 والروح لي برماح حبه زرقها

يامن طغى ذوقه على كل لذواق..
                                ياليت ماالله عن عيوني فرقها

البعد هم وذابح الصبر ما يطاق..
                          وروحي على جمر المناوي حرقها

غيرك من الزينات في العين مالاق..
                           وهافت عليك غصون قلبي ورقها

نهار ما حل الموادع ولفراق..
                           موقي عليك ادموع عيني هرقها

مركز أبحاث

 

بسم الذي للكون محدث

                                    خالق بشره ذكور و ايناث

رحمتك ربي يوم نُبعث

                                   من عقب ظلماتٍ في الاجداث

وأعوذ بك من كل منفث

                                       لي في العقد مذكور نفاث

وأبني بيوت .. أبني وأثث

                                  ولانيب من غيري ابا اغتاث

 وأسمو على راس المثلث

                                    راس الهرم لي مركز ابحاث

وأحدث حدث وأصوغ الأحدث

                                         ولاني بقول الغير بحاث

 عهدٍ و عهدي به ولا أنكث

                                         أقولها صادق بلا احناث

صوغٍ يديدٍ ما تلوّث

                                             يديد بالتقليد ما إلتاث

 وكل من عرفني بي تحدّث

                                           والحمد للخلاق غيّاث

لي من ضميري الخبث مجتث

                                          وبأمره كفاني كل غثاث

 وأنا أوعد الذربين ما أغث

                                        غيري وأنا مدرك للأحداث

دام الوفا في الصدر يمكث

                                                  أكيد أنا للسلم حثّاث

 وللمعركه جاهز والجثث

                                           إلهن ملك للروح بعّاث

( ماييت من الغربيه أبحث

                                   عن مستوى لي من البحر لاث)

 و لا ييت مغثوثٍ أغوّث

                                        ييت أضرب الأرباع بأثلاث

وكان الشعر للغير وِرّث

                                             للغير أنا بالشعر ورّاث

 ساري بدمي لين أرّث

                                          حرثٍ و هو للحرث حرّاث

وإن ما رفعني ما تعلّث

                                       غيري لهم في الشعر ميراث

 أنا احترمهم و إلهم أبعث

                                            ولكم وفا من صدر منحاث

على مباشر شاشة البث

                                              إللي على الشاشات بثّاث

أحمد الله يوم رب الكون يابك

احمد الله يوم رب الكون يابك.. بس مدري عقبها وش صك بابك

 قلتلي موعدك في الوقت الفلاني.. وانتظرتك لين يا موعد جنابك

مالقيتك ع المواعيد ..افتقدتك.. ياعسا ويارب مابه شي صابك

آتساائل هي صدف والّا تعمّد.. ياترا وش صار وش سبّة غيابك

ما اذكر اني قلت لك شيٍ يهينك.. اذكر اني ودّي آقبّل ترابك

واعْشقك واحب كل شيٍ تقوله.. وأفدى حسّك والعمر وافدى شبابك

واتصدّا الهم عنّك والمتاعب.. وافتحه صدري لكم وانقل عذابك

وأبني لحزنك وسط يوفي منازل.. تسكن بْيوفي ولا توصلك مابك؟؟

رد جاوبني وفهّمني وقلّ لي. عطني اقرا بس صفحه من كتابك

 كان به هجران ربي لك يسهّل.. وإن بغيت القرب والله يا هلابك