يــا مــن حلمت انــي بــدوّرك ويـنــك
من عقب ما عفتك و ما كان ماضي
حــلم الصـحــاه اللــي حــلمته يهينك
ما هوب انا اللي عقب صدّه يراضي
خـانك زمانك و اغْدرت بــك سنيـنـك
و البـين كـنّـك من لهــايـبــه نــاضــي
فــي الأمــس ايــدي مــا تـفارق يمينك
و اليـــوم ايـدك مــا تـجيــد اقـتباضـي
ارجـــع على اللي غــرّك بــزود زينـك
تــلـــقـاه مـتــفيّــق لشـرواك فـــاضــي
والا أنا عــيـني ولا تـشــوف عـيـنـك
عـــوّضني الله فيـك أبــو خــد ياضـي
خــشـف الدمانـــي اللي يتمنى ضنينك
و أمـسى ضنيـنـك مــالكنّــه و راضي
و كـانــك حلمــت أنّي بـدورّك ويــنـك
هـــذا جــوابــي مخـتصر بـعْـتـراضـي
ربـي يــقـسّــم و انــتـه الله يــعـيــنــك
و لـك قـسـمـه الله و ربــنا الله قــاضي
ليست هناك تعليقات:
إرسال تعليق