مالك مثيل

ياصــاحــبي مالــك مثــيـل
فـيـــك الـلطــافـه والجمـال

كــامـــل ومثلك مـستحيــل
لـــــكــن  لله  الـــكـمـــــال

ويـهـك بــــدر ويْـديـل ليـل
عيـن المها وعنق الغــزال

وخشمٍ مثــل سيــفٍ صقيل 
والخــد رمـشــك لــه ظـلال

وشفّتك توت وبـــه يسـيـل
ذوق العسل مـابــك جــدال

ومْـعَــزلٍ وردوف خـــيــل
تــسـحر بْمشيــك بـعْـتدال

يا عــود مــوزٍ فـي ظـليـل
إن هبّــه الـنسنــاس مـال

الـلـيــل مـن عـقبك طويل
والصبر يالمضنون طــال

الحــق علي إعمل جـميـل
يـا أيـيــك والا لــي تعــال

لا تـسـتـمـع قـايــل وقـيـل
طـنّـش تعش يابن الحلال